Durante os meses de abril, maio e xuño, o Servizo de Emerxencias realizou un total de 191 intervencións e operativos, prestando resposta a incidencias de moi diversa natureza e garantindo a atención ás emerxencias no ámbito de actuación.
Accidentes de tráfico
Atendéronse un total de 28 accidentes de tráfico, distribuídos do seguinte xeito:
- 3 accidentes con excarceración de persoas feridas.
- 13 accidentes con persoas feridas, nos que lamentablemente se produciron dúas persoas falecidas.
- 10 accidentes sen persoas feridas.
- 1 accidente laboral.
- 1 accidente con maquinaria agrícola.
Incidencias con animais
Realizáronse 11 intervencións relacionadas con animais soltos, feridos ou mortos, garantindo a seguridade da cidadanía e da circulación viaria.
Control da Vespa velutina
Durante este período efectuáronse 52 intervencións relacionadas coa Vespa velutina:
- 3 campañas de trampeo, cun total de 47 trampas distribuídas por todo o concello, nas que se capturaron 1.505 raíñas durante a primavera.
- 49 retiradas de niños de risco en distintos puntos da zona de intervención do servizo.
Incidencias en vías públicas
Leváronse a cabo 17 intervencións motivadas por:
- Caídas de árbores.
- Verteduras na vía pública.
- Retirada de restos de accidentes.
- Incidencias en tendidos eléctricos e telefónicos.
Incendios
Interveuse nun total de 19 incendios, distribuídos da seguinte maneira:
- 6 incendios en vehículos, dos cales 2 resultaron ser falsas alarmas.
- 9 incendios forestais, correspondentes a:
- 2 queimas controladas.
- 6 incendios forestais.
- 1 incendio forestal de Nivel 2.
- 3 incendios urbanos.
- 1 incendio nunha escombreira de residuos.
Operativos de Protección Civil
Realizáronse 46 operativos de Protección Civil, dando cobertura preventiva e apoio en diferentes eventos e servizos, entre os que destacan:
- Feira do Viño.
- Apoios á Policía Local.
- Xornadas de Educación Viaria.
- Xornada de Protección Civil.
- Rallye de Ourense.
- Apoio a diferentes servizos municipais e outros dispositivos preventivos.
Prevención de riscos
- Levouse a cabo 1 actuación preventiva de control de riscos, destinada á redución de situacións de perigo para a poboación.
Apoio ás asistencias sanitarias
- Prestáronse 8 apoios ao 061, dos cales 5 corresponderon ao helicóptero medicalizado de urxencias.
Rescates e outras intervencións
Realizáronse 9 intervencións, correspondentes a:
- Busca de 4 persoas desaparecidas.
- Rescate dunha persoa en situación difícil.
- 2 aperturas de portas e ascensores.
- 2 dispositivos de busca dunha persoa no río Miño, na zona dos Peares.
Lamentablemente, neste período producíronse 3 persoas falecidas en diferentes intervencións. Queremos trasladar o noso máis sincero pesar ás súas familias e amizades.
Así mesmo, 27 persoas resultaron feridas de diferente consideración, ás que lles desexamos unha pronta e completa recuperación.
#GESRibadavia #ProtecciónCivil #Prevención #Precaución #ribadavia #Ribeiro











































